Галоўная » » Мяжа Брэсцкай вобласці
Скульптура ў выглядзе зубра на мяжы Мінскай і Брэсцкай абласцей
Вялізная скульптура аднаго з нацыянальных сімвалаў Беларусі – зубра, вядомая таксама як “мегазубр”, была ўзведзена 30 верасня 2003 г. (праект распрацаваны кампаніяй “Брэстпраект”).
Скульптура знаходзіцца на мяжы Мінскай і Брэсцкай абласцей, недалёка ад в. Петкавічы Баранавіцкага раёна на трасе М1 (беларуская частка транс’еўрапейскага маршрута Е30) і сімвалізуе сабой не толькі ўезд у брэсцкі рэгіён, але і напрамак шляху на Белавежскую пушчу. “Мегазубр” выкананы з металу, яго маса – 76 тон, вышыня – 20 м, што амаль дасягае вышыню чатырохпавярховага дома.
